أنا

Hymn to Isis ( 3rd or 4th century AD)

For I am the first and the last

I am the venerated and the despised

I am the prostitute and the saint

I am the wife and the virgin

I am the mother and the daughter

I am the arms of my mother

I am barren and my children are many

I am the married woman and the spinster

I am the woman who gives birth and she who never procreated

I am the consolation for the pain of birth

I am the wife and the husband

And it was my man who created me

I am the mother of my father

I am the sister of my husband

And he is my rejected son

Always respect me

For I am the shameful and the magnificent one

discovered in Nag Hammadi, 1947 Posted By Paulo Coelho

الإنسان مليء بالتناقضات; يعتقد المتزمتون أن الهدف هو البعد عن الخطيئة و الوصول لعدم ارتكابها, فيتجاهلون خطيئة و يجرمون ما يستطيعوا مقاومته

أنا الباحث و الناسي, المخطيء و المصيب

أنا العاهر و القديس

أنا الروحاني و سكير الشهوات

أنا المسلم و العاصي

ضللت لأجد طريقي و لم اضل إلا  بعد أن وجدته

استقمت بسبب انحرافي و لم انحرف الا بعد الاستقامة 

جاء بي والداي إلى الدنيا و أنا من رباهم

أنا الراقص على الصراط المستقيم 

-مستلهمة من ما نشره باولو كويلو 

Yes, I'm the spiritually religious who adores women & sex in the purest & most childish of ways.

و هكذا احيا...

About Egypt & Its Revolutionaries: Confusion

Question to all you well-intentioned, kind-hearted Activists...Considering this:

1. Events like police torturing again, virginity checks, army violations...etc that get us riled up and mobbing to protest against them in no time

2. Other events like the remnants of the old regime (Felool) reorganizing themselves & unifying their efforts to turn the people against the revolutionaries and revolution (ex: the strangely organized & unified-slogan campaigns in support of the army & police like what happened in Mostafa Mahmoud Sq. earlier today)
BUT MOST IMPORTANTLY is the amount of shady laws & money smuggled outside Egypt 

3. Everyday people's issues; the prices of basic food items, the no-improvement or actually deterioration of quality of life, same bullshit treatment from Police & Army (after many in poor areas being caught by both & military tried) and above all the old feeling that there voice & screams go unheard like the old days & even worse


The Question is:
Most usually rally fairly quickly in response to the first kind of events. Others preach & urge others to pay more attention to the events especially the ones shaping our lives while we're "ملخومين" in the first type

The third type, that's me, who try to spread awareness of No.3 to gather support & momentum for stuff that are both important and popular (i was thinking of promoting the leftist/socialist agenda in simple words & towards achieving the "social justice" goals of the revolution)
Because otherwise, you won't get nearly enough support for any other cause you preach for
What to do ?


I'm fairly convinced that all these faces of the current state of events are important...and all of us are divided in paying attention to all these at the same time.
Lack of leadership is proving highly disadvantageous to us & the revolution
(and not true that we didn't have a leader, we did but our hate for the "symbols" of the regime unified us more. And with the symbols gone, we have nothing to follow)
Supporters of all three types believe that each one's type of cause is key to the success of our revolution...

Yet, our current way of dealing with things is proving to be unsuccessful...
"The edge of madness is to try the same thing & expect different results" - Einstein

Question again...what to do ? and why ?

لا للمحاكمات العسكرية للمدنيين

يحضرني حوار والدي مع و اختي حينما تم ذكر المحاكمات العسكرية و واقع الأمر في المؤسسة العسكرية 

اختي: بس مينفعش أي حد في الجيش يتسبب في محاكمة رتبة اقل منه عسكريا بالسهولة دي, صح ؟
ابي: يييه, خدي عندك: عصيان أمر من ضابط برتبة اعلى, التحدث باسلوب غير لائق مع قيادة...احبسه و بعدين نبقى نتفاهم 

ما بالك بقى المدنيين لو اتحاكموا عسكريا ؟؟

--------------

يعني إيه محاكمة عسكرية ؟:
شوف هنا شهادات المعتقلين و اللي اتحاكموا عسكريا عشان تتأكد

محاكمة عسكرية يعني:

• مفيش محامي دفاع
• محدش بيسمع اقوالك (يعني حتى "بريء يا بيه" مينفعش تقولها)
• مفيش تحقيق (يعني محدش حتى بيبص أنت عملت إيه)
• بتقعد أنت و 10-30 واحد معاك في المحاكمة الواحدة 

-------------

هل هذا يجوز قانونيا/دستوريا ؟

مبدئيا, نشوف الاعلان الاسطوري اللي البلد ماشية بيه:
( مـــــــادة 8 )


الحرية الشخصية حق طبيعى وهى مصونة لا تمس , وفيما عدا حالة التلبس لا يجوز القبض على أحد أو تفتيشه أو حبسه أو تقييد حريته بأى قيد أو منعه من التنقل إلا بأمر تستلزمه ضرورة التحقيق وصيانة أمن المجتمع , ويصدر هذا الأمر من القاضى المختص أو النيابة العامة , وذلك وفقا لأحكام القانون.


ويحدد القانون مدة الحبس الاحتياطى .

( مــــــادة 9 )


كل مواطن يقبض عليه أو يحبس أو تقيد حريته بأى قيد تجب معاملته بما يحفظ عليه كرامة الإنسان , ولا يجوز إيذاؤه بدنيا أو معنويا , كما لا يجوز حجزه أو حبسه فى غير الأماكن الخاضعة للقوانين الصادرة بتنظيم السجون .

وكل قول يثبت أنه صدر من مواطن تحت وطأة شئ مما تقدم أو التهديد بشئ منه يهدر ولا يعول عليه.

طب قانون الأحكام العسكرية كده ؟

الباب الثانى

اختصاص القضاء العسكري

مادة (4)

يخضع لأحكام هذا القانون الأِشخاص الأتون بعد :

1- ضباط القوات المسلحة الرئيسية والفرعية والإضافية

2- ضباط الصف وضباط القوات المسلحة عموما .

3- طلبة المدارس ومراكز التدريب المهني والمعاهد والكليات العسكرية .

4- أسرى الحرب

5- أي قوات عسكرية تشكل بأمر من رئيس الجمهورية لتأدية خدمة عامة أو خاصة أو وقتية .

6- عسكريو القوات الحليفة أو الملحقون بهم إذا كانوا يقيمون في أراضى الجمهورية العربية المتحدة ، إلا إذا كانت هناك معاهدات أو اتفاقيات خاصة أو دولية تقضى بخلاف ذلك

7- الملحقون بالعسكر يون أثناء خدمة الميدان ، وهم :

كل مدني يعمل في وزارة الدفاع أو فى خدمة القوات المسلحة على أى وجه كان .

مادة (5) ( معدلة بالقانون 5 لسنة 1968 ثم عدل البند ب من نفس المادة بالقانون 82 لسنة 1968 )

تسرى أحكام هذا القانون على كل من يرتكب إحدى الجرائم الآتية :

(أ‌) الجرائم التى تقع فى المعسكرات أو الثكنات أو المؤسسات أو المصانع أو السفن أو الطائرات أو المركبات أو الأماكن أو المحلات التى يشغلها العسكريون لصالح القوات المسلحة أينما وجدت .

(ب‌) الجرائم التى تقع على معدات ومهمات وأسلحة وذخائر ووثائق وأسرار للقوات المسلحة وكافة متعلقاتها .

مادة (6) ( معدلة بالقانون رقم 5 لسنة 1970 الجريدة الرسمية فى 29 / 1/1970)

تسرى أحكام هذا القانون على الجرائم المنصوص عليها فى البابين الأول والثاني من الكتاب الثانى من قانون العقوبات وما يرتبط بها من جرائم ، والتي تحال إلى إلقاء العسكري بقرار من رئيس الجمهورية .

ولرئيس الجمهورية متى أعلنت حالة الطوارئ أن يحيل إلى القضاء العسكري أى من الجرائم التى يعاقب عليها قانون العقوبات أو أى قانون أخر .

ده بقى الخازوق الحلو 

الباب الأول هو  الجنايات والجنح المضرة بأمن الحكومة من جهة الخارج (يعني تجسس, تعاون على زعزعة امن و سيادة الدولة لصالح جهة خارجية إلخ... )

الباب الثاني هو زيه زي الباب الاول بس من الداخل, يعني اعمال الارهاب, قلب نظام الحكم و الدستور و الدعوة و التحريض على كده 

و الثاني مكرر هو بخصوص المفرقعات 

اللي عايز يمزمز فيهم براحته يمزمز لكن ده الواجهة العامة

طب قانون البلطجة: يعني إيه بلطجي ؟

المادة الأولى: يضاف باب جديد إلى أبواب الكتاب الثالث من قانون العقوبات يتكون من مادتين برقمى 375 مكررا و375 مكررا «أ» وذلك على النحو الآتى:

الباب السادس عشر، الترويع والتخويف والمساس بالطمأنينة «البلطجة»، مادة 375 مكرر «مع عدم الإخلال بأية عقوبة أشد واردة فى نص آخر، يعاقب بالحبس مدة لا تقل عن سنة كل من قام بنفسه أو بواسطة الغير باستعراض القوة أو التلويح بالعنف أو التهديد بأيهما أو استخدامه ضد المجنى عليه أو مع زوجه أو أحد أصوله أو فروعه، وذلك بقصد ترويعه أو التخويف بإلحاق أى أذى مادى أو معنوى به، أو الإضرار بممتلكاته أو سلب ماله، أو الحصول على منفعة منه أو التأثير فى إرادته لفرض السطوة عليه أو إرغامه على القيام بعمل أو حملة على الامتناع عنه أو لتعطيل تنفيذ القوانين أو التشريعات أو مقاومة السلطات أو منع تنفيذ الأحكام، أو الأوامر أو الإجراءات القضائية واجبة التنفيذ أو تكدير الأمن أو السكينة العامة، متى كان من شأن ذلك الفعل أو التهديد إلقاء الرعب فى نفس المجنى عليه أو تكدير أمنه أو سكينته أو طمأنينته أو تعريض حياته أو سلامته للخطر أو إلحاق الضرر بشىء من ممتلكاته أو مصالحه أو المساس بحريته الشخصية أو شرفه أو اعتباره.

وتكون العقوبة الحبس مدة لا تقل عن سنتين ولا تجاوز خمس سنوات إذا وقع الفعل من شخصين فأكثر، أو باصطحاب حيوان يثير الذعر، أو بحمل أية أسلحة أو عصى أو آلات أو أدوات أو مواد حارقة أو كاوية أو غازية أو مخدرات أو منومة أو أية مواد أخرى ضارة، إو إذا وقع الفعل على أنثى، أو من لم يبلغ 18 سنة ميلادية كاملة، ويقضى فى جميع الأحوال بوضع المحكوم عليه تحت المراقبة الشرطية مدة مساوية لمدة العقوبة المحكوم بها

----------------

نفهم إيه من الكلام اللي فات ده ؟

أن بسبب قانون الطواريء اللي لسة شغال ممكن, بقرار رئاسي, اللي بيشغل المنصب ده المجلس السمكري, احالة الجرائم اللي في البابين اللي ذكروا 

ولكن, دستوريا (و لمن لا يعلم: الدستور ده هو الكبير, يعني القانون اللي يخالفه ميتطبقش) الكلام ده مينفعش لانه لم يذكر أي حالة في تطبيق القانون العسكري على المدنيين و الله اعلم

------------------

التعليق:

اولا: الطواريء ؟

ليه فيه طواريء اساسا ؟؟؟؟؟؟

قال لك عشان الاستقرار...طب ليه قانون الطوارئ و البلطجة لم يطبق على فلول النظام السابق اللي كل شوية يولولوا انهم هم السبب وراء البلطجة و الفتنة و ...و ...؟

لماذا لم يطبق على ضباط الشرطة المتقاعسين عن العمل و المتهمين بتعذيب و قتل المدنيين بالذات بعد الثورة ؟

ثانيا: الأحكام و المحاكمات العسكرية: مش دول بلطجية ؟

هسألك, من غير تحقيق إن أنا روعت مواطن و أن السلاح ده بتاعي,

من غير محامي,

من غير شهود

ازاي هتعرف أن أنا بلطجي ؟؟؟

الاجابة, مش هتعرف !!!

آدي مثال من البلطجية:

23 سنة

موظف في سيتي بنك و يعمل في شركة خاصة

شارك مثل الكثير من شباب مصر فى مظاهرات ميدان التحرير يوم 28 يناير . فقد بطاقته الشخصية وكافة متعلقاته يومها خلال المظاهرات , قبض عليه و مثل امام المحكمة العسكرية

حكم عليه بالسجن 5 سنوات في قضية رقم 2/2011 جنايات عسكرية و تم التصديق على حكمه.

محمد يقضي الان حكم ظالم في سجن الوادي الجديد

عمرو البحيري-32 سنة

اتقبـض عليه فجر يوم 26 فبراير من أمام مجلس الوزراء. كان مشارك في اعتصام يطالب باقالة حكومة أحمد شفيق و الاستجابة لمطالب الثورة.

تم الاعتداء عليه بالضرب و الاهانة من أفراد من الجيش, و في ظرف 3 أيام مثل امام امحكمة العسكرية في غياب محاميه و حكم عليه ب 5 سنوات في قضية رقم 155 لسنة 2011 جنايات عسكرية شرق

قدمت  الدكتورة ليلى سويف  -أحد الشهود على واقعة الاعتداء عليه من الجيش- ببلاغ للسيد المستشار النائب العام حمل رقم 2390 لسنة 2011 بتاريخ 1 مارس 2011 والذي قدمت فيه شهادتها على واقعة القبض على عمرو البحيري.

عمرو يقضي الان عقوبة على جريمة لم يقترفها في سجن الوادي الجد

حتي لو بلطجية; القانون ده معمول عشان يحمي الشرفاء و يعاقب المجرمين, فيه مشكلة, يتعدل, و نشتغل بيه

أي مدني له الحق انه يتحاكم محاكمة عادلة, العدل اساس الملك, و العدل هو اللي هيعاقب المجرم و البلطجي, مش سلق البيض اللي بيحصل ده 

جزء من حديث الرسول (ص) عن تطبيق الحدود في الشريعة : "[...] خير للعالم ان يخطيء في العفو عن أن يخطيء في العقاب"

و لو حتي  ما سمعتش أقوالي...هتعرف منين أني بريء أو مذنب ؟؟؟؟

لا للمحاكمات العسكرية للمدنيين

آه يا بلد الغلابة

صورة من البوم المصور ايمن جمال (المشوار طويل)

جايليك من صفوف الراحة, أول مرة اشوف وشك الحزين ده 

عملتي إيه لاجل ما يحصل في ولادك كل ده ؟

سبت تربيتي على دكة الاستراحة و سمعت حكاويكي 

علي ترابيزة قهوة ملخلخة و شاي تقيل بعد ما الورش قفلت

سامع قهرة مكتومة, بنفس شيشة و شفطة مالكوباية

و نكتة بضحكة خشنة لاجل ما يفضل البرج اللي فاضل على حيله 

آه يا بلد الغلابة, حالهم يصعب على الكافر

لسة بينهشوا فيكي الديابة و صوتك مش واصل 

بيتخانقوا على شكل جنينة السطوح 

و سايبين الاساس اللي شايل المبني يلالي 

عايشين في دماغهم و احلامهم و سايبينك 

يلطش في ولادك العايب و يطلع دينك 

نزلنا عشان حقهم

و بيسألوا مين حاسس بسيل دمهم

نزلنا عشان كرامتهم و لقمتهم 

لقينا اللي طلعوا مخدوش حتي رأي واحد منهم 

بيسألني من شباب الثورة بقول له آه 

بيسأل طب عملت لنا ايه...معرفتش اقول له ايه 

حكالي على الأقسام و المرور, خلاني اقول حلال فيهم الحرق 

حكالي على الظلم في الاجور, خلاني أقول حكومة ولاد كلب 

حكالي على الاعتقال من الدور, سكت...هقول ايه ؟

سألني الثورة عملت إيه, قلتله غيرت وشوش

بس الأهم غرزت امل, و لو بسيط, إن ممكن...جايز تغير يحصل 

و أن الكبارات اللي في البلد فوق عشان فوق كتاف الغلابة دول

و لو طلع شيطانهم يقدروا يرموهم في الزبالة مطرح ما جم 

لسة فيه مظاليم كتير

و مفيش حاجة بدأت حتي تضمن أن حقهم مش هيضيع تاني

و لسة حقهم بيضيع

للي عنده القدرة يعمل حاجة: عملت ليهم إيه ؟

القوة للشعب ... و قوته لمن يتحدث باسمه

من أول الثورة و السؤال الدائم الطرح في نافوخي...

إيه اللي بيقدر يحرك أو يحشد الناس ؟

قبل التنحي:

كان من الواضح ان سبب تجمع و وحدة الناس هي كرههم للنظام و رموزه و الثورة اساسا كان قائدها ادمن خالد سعيد (مش وائل غنيم; هشرح بعدين)

بعد التنحي:

قلنا الاخوان و السلفيين هم اللي عندهم اكبر قدرة على الحشد و اقناع الناس

هوبا, جه 27 مايو بالرغم من حملات الاخوان و السلفيين ضده و لقينا حوالي ربع مليون نفر في الميدان 

و نص مليون تقريبا في الاسكندرية و عندك بتاع 7 محافظات تانيين...

الله ! اومال إيه ؟!

اسمع يا سيدي:

القوة للشعب...الشعب ده كيان, له اراء و تجارب و خبرات حياة و مشاكل بيواجهها

ما هو دور الممثل و المتحدث باسم الشعب ؟
هو دور في الواقع لا يمت لوجهات النظر لدي الممثل بصلة بل و يجب علي الممثل تجاهل وجهات نظره و عقليته اذا تنافت مع من يمثلهم أو التنحي عن وظيفته كممثل 

دور الممثل لمجموعة هو كالقمع (الأومع) الذي يجمع القطرات البسيطة ليجعل منها سيلا و تيارا متصل من الماء المنجرف

قوة أي ممثل أو بتاع بيتكلم عن أي بتاع هي دعم الرأي العام له و الرأي العام دلوقتي بقى صاحي يعني لو ما قلتش اللي هو عايز يقوله مش حيكلف خاطره يطرطر عليك قبل ما يسيبك (شوفوا ائتلاف هباب الثورة الناس, لو فاكرها, بتقول عليه إيه)

و ده دور القائد الديموقراطي إنه يقترح وجهة و رأي مفضلة بجوار وجهات اخرى و رأي الاغلبية هو اللي يمشيه 

ده كان دور ادمن خالد سعيد...

(أنا عارف اني باتك قوي على كده لكن رأيي و ربنا يسامحني لو غلطان)

ادمن خالد سعيد عندي غير وائل غنيم; الادمن عندي كان منبر بيجمع كل الطاقة مش بس اللي في مبادرات لأ كمان طاقات الافراد و كان كل ما يمس مصر أو كرامة أي مصري من اول المستريحين لغاية اصحاب الأكشاك الغلابة, كان بينشره و يندد بيه و يحشد ضده و يعمل ضغط

و هنا افرق بين وائل غنيم و الادمن, كمجرد مثال, أن مع كمية الانتهاكات اللي بتحصل دي مش لاقي نص الشغل اللي كان بيعمله عليها و تغطية الصفحة ليها, اذا لقيتها اصلا
النتيجة: الصفحة بقت متجاهلة تماما الفساد الباقي هدمه و تصريحاتها "ببناء البلد و حمار طياز مصر" وضعتها في مرتبة سينما الاطفال 

و ثم هك ثم هك الامثال لا  تعد ولا تحصي لأناس يحاولون الالتفاف على مطالب الناس و الاغلبية البسيطة لكسب دعمهم لأهدافهم الخاصة 

حال الناس البسيطة من اول الموظفين لغاية الصنايعية و سكان الاحياء العشوائية لسة زي ما هو 

لسة الداخلية بتتبلطج عليهم و فوق كده الجيش اللي ممكن يفقعهم كام سنة حكم عسكري بتهمة بلطجة متلفقة

لسة الاسعار في الطالع و الشغل في النازل و الانيل إن مفيش حاجة بتدل إنها هتنزل و يطلع قريب; لا مشاريع ولا يحزنون 

أنا مش قائد لكن لو لي الحق اخمن القائد الحقيقي القادم للجموع دي هيبقى ازاي يبقى اسمعني:

القائد ده كل قوته زي ادمن خالد سعيد هتكون من  انه قرر يجنب ارائه مقابل اراء الشعب و بالاخص البسطاء منه 

خطابه هيتناول مشاكلهم و هيكون مهتم انه يعرفها اكتر و هيبتكر طرق للحشد و جذب الانتباه الاعلامي و صنع ضغط جامد

و هيبتكر وسيلة يتواصل بيها مع الناس بعيدا عن النت, مش عارف إزاي بس مش هنغلب; ده احنا اللي دمسنا الفول !

في الغالب هيكون مجهول و هيفضل كذلك كفكرة, كرمز حي للوعي الشعبي "الحقيقي" بعيدا عن الفيسبوك و التويتر 

و ادعو من كل حتة فيَّ ان يظهر هذا القائد قريبا و يكشر عن انياب اصحاب الحق فعلا في البلد دي 

قبل ان ينهض كل منهم ليأخذ حقه بيده 

اضافة:
تعليق على مقالة عمرو حمزاوي :
بواسطة: guevaraegypt@gmail.com Guevara

خاطبونا على حجر رشيد

السبت 28 مايو 2011 11:29 ص

و حجر رشيد لمن لا يعرف هو لوحة تم اكتشافها ايام حملة نابليون على مصر فى مدينة رشيد و قد اصبحت فيما بعد المفتاح الرئيسي لفك رموز اللغة المصريه القديمة...و لوحة رشيد هى مرسوم كهنوتى كتبه كهنة مصريون لشكر احد ملوك البطالمة على عطاياه للمعابد و ترميمها و اعادة بنائها...و لان الملك كان يونانيا فقد كتب النص باليونانية...و لان من كتب النص كانالكهنة المصريون ,فقد اعادو نفس النص باللغة المصرية بالخط الهيروغليفى الذى هو الخط المقدس المستخدم فى المعابد و النصوص الدينية المقدسة و كان يعرفه رجال الكهنوت فقط....و لان الشعب يستحق ان يفهم فقد تم اعادة كتابة نفس النص على نفس اللوحة باللغة المصرية المبسطة التى يفهمها الشعب و هى الخط الديموطيقى.....و الان....هذا حالنا مع الخطاب السياسيى المصري.....فقد اختارت النخبة المثقفة مفردات خطابها من لغة عالية المستوى تتحدث عن الديموقراطية و الليبرالية و الحريات ولكن تبقى المفردات غير مفهومة للناس العديين و البسطاء ..و اختار الاخوان والسلفيين اللغة المقدسة التى ما ان تسمعها حتى يقشعر بدنك و تبكى تأثرا و تنتفض احتراما لمستخدمها و لكنك لا تفهمها و هى لا تغير شيئا من واقعك اليومى....فهى تحدثك عن عالم غير قابل للتطبيق على الارض.....و يبقى الجزء الاخير من لوحة الوطن فى انتظار من يفك رموز لغة الخطاب للشعب..الاغلبية التى تنتظر من يشرح لها ماذا يجرى و الى اين نتجه...كيف سنوفر لها لقمة العيش و مكانا بالمدرسة لابنائها و سريرا بالمستشفى و الحد المقبول من الكرامة الانسانية مايجعلها تنتمى لهذا الوطن...وطنها بالاساس...هؤلاء هم من يحركون عجلة التاريخ....ابحثو لكم عن قاموس لتخاطبوهم به و الا فاتركوهم فى همومهم اليومية ليحلو مشاكلهم التى لم يشعر بها احد حتى الان.

الداخلية: عمر ديل الكلب ما ينعدل

.

 

"كل بندقية تصنع, كل سفينة حربية تبحر, كل صاروخ اطلق يرمز, في النهاية, الي سرقة من كل هؤلاء الجوعى الذين لا يجدون الطعام, الذين يشعرون بالبرد ولا يجدون ملبس.[..]"الرئيس الراحل دوايت ايزينهاور - الرئيس الرابع و الثلاثين لامريكا  

باين اوي من العبارة دي الخسائر من زيادة تخصيص موارد لأدوات القتل و القمع

لكن...

هل هذه هي الخسائر الوحيدة؟; الطعام و الشراب و الملبس الذي كان يمكن ان ينتج بدلا من الاسلحة و الدروع و الآليات ؟

لأ طبعا 

اكبر خسارة في نظري هي الانسانية التي تقتل في أجساد الجنود و الضباط و الروح و الحس البشري الذي يصاب بالشلل ثم يذبل و يموت ليصبح الفرد آلة لأخذ الحياة فقط...لا اكثر 

شعرت بهذا عندما تبادلت بعض الكلمات مع المجندين من الجيش و الشرطة و سمعت الضباط, كبيرهم و صغيرهم و هم يتحدثون عن امور عامة مثل الشهداء و قتل المتظاهرين الخ

هؤلاء اشخاص اصبحوا مشوهين انسانيا, و أن وجد فيهم البعض الذي لا يزال يحتفظ بمظهر انساني 

عندما يظهر ملازم اول في الامن المركزي مع مني الشاذلي يوضح سبب انسحابه بأن "الرصاص بتاعي خلص"...

ساعتها وجب السؤال: خلص على مين يا ابن المرة المتناكة ؟؟؟

عندما تظهر قوات الامن المركزي في احداث السفارة الاسرائيلية ليجد المتظاهرون قائد القوة هو ضابط متهم بقتل المتظاهرين...

عندما, تفاديا لغضب المتظاهرين في يوم 27 مايو, يتم نقل قيادات متهمة باعطاء اوامر قتل المتظاهرين (يعني لسة شغالين اصلا !)

عندما يكون هدف الائتلاف العام لضباط الشرطة ضد الفساد هو محاربة الفساد في الداخلية ولا يهتموا ان قاتل اللواء محمد البطران اللي فرحانينلي بيه ضابط لا يزال يعمل بل و ترقي و أن المتهمين بقتل المتظاهرين العزل لا يزالوا يعملون...

يبقى ساعتها الشخر فيهم خسارة 

ماذا ننتظر من مؤسسة لا تعبأ بأي شخص لا يرتدي الميري و خاصة ميري الداخلية ؟ (لأن الشرطة زعلانة من الجيش عشان علم عليهم)

و ليس هذا فقط بل ولا يعتبروا أي شخص خارج الميري انسانا اساسا !!!

هل نلوم من يريد حق ابنه الشهيد بايديه و يقتل الضابط المتهم ؟

هل خسارة فيهم حرق أقسامهم و أقسام المرور و هم فيها ؟

هل خسارة ذبحهم و التمثيل بيهم مثل ما حدث في السويس و في فيديو الشرابية ؟

بصراحة ؟....قليل عليهم 

اذا كانت عقوبة السرقة أو البلطجة من بلطجي 3 سنوات مثلا فيجب ان تكون عقوبة الشرطي المدان في هذه الاتهامات 5 اضعاف على الاقل

أنا مع تحسين ظروف عمل افراد الشرطة و في الواقع هم الفئة الوحيدة التي تم اخذ خطوات من اجل تحسين ظروف عملها

لكن يجب ايضا ضبطها و اعادة "تربيتها" من أول و جديد و اقصاء الأعضاء الخبيثة فيها, و ليس مجرد نقلها, بل اقالتها تماما 

ساعتها "يمكن" يبقى فيه امل

لكن قبل كده و مع استمرار المعاملة الزفت مع الناس الغلابة...دمك حلال يا شرطة 

الخوف و دعم الثورة : حوار مع اسطى عبده السباك

صورة لحسام حملاوي (عرباوي) Twitter (ده مش اسطي محمد على فكرة!)

ملحوظة: سباك يعني من يصنع السبايك و ليس السباك الصحي 

"الخوف لا يأتي من معتقدات و افكار; الخوف هو ما يوحي و ينبع منه المعتقدات و الافكار. و كذلك الحب"

خلال المحاولة الفاشلة لصنع صفيحة رصاص مضادة للطلقات مع المتألقة ليلة أبو رجب, تعرفت على اسطي محمد
لديه ورشة داخل بوابات القاهرة كانت ليلة مقيمة فيها بحكم دراستها

جلسنا, سأل عن بعض التفاصيل للمشروع الفاشل فأجبته 

عزمت ليلة بسجارة عزم هو بسجارتين (كيلوباترا فشخولي صدري !)

و كالعادة اتجه الحوار نحو السياسة و الثورة و ما يحدث

كان حوارا شيقا 

و بحكم طبع الاسطي محمد النشط (و ليس الناشط زينا) كان كثير الافكار و الحجج و التحليلات و النكات ! :)

-------------

اسطى محمد زيه زي ناس كتير اوي, مش بس في الحالة المادية و الاجتماعية لكن في الحالة الفكرية 

راجل عنده اولاد و بيت و التزامات 

و كما قال الاسطي: أنا عندي ولاد و ليهم احتياجات, لو زمان كنت شاركت وين ما تروح لكن دلوقتي لو حصل لي حاجة أو حد عمل لي حاجة زي قرار ازالة, مين هيوفي الالتزامات دي و مين هياكل الولاد ؟ زمان كانت الناس لبعضها, دلوقتي محدش هيسأل فيهم . كل واحد دلؤتي مش خايف على نفسه, لأ, خايف على ولاده  

ده مجرد نبذة عن حياة و تفكير الجيل اللي قبلينا (و كتير جدا بيصرف علينا :$) لمن لا يبارحون التويتر و العالم الافتراضي زيي كده 

----------------

لو اخدنا عم محمد كعينة عن الرأي ده (كفاية و الحال واقف بسبب المظاهرات)

اللي حسيته إن الاعلام "القومي" بيلعب على خوف الناس البسطاء اللي هم كانوا عماد الثورة 

و بالذات لو اتقدمت ارقام و مفاهيم اقتصادية متفرشقة عن الاقتصاد اللي هيقع و البلد اللي هتفلس, معظم الناس بالذات اللي معندهاش وقت (حتي لو مستريحين ماديا لكن الفكرة في الوقت) و مش دارسة الحاجات دي فتحليلها صعب, هتلاقي الناس دي اخدتها كأمر مسلم به و بسبب الخوف; ده هيكون اعتقادهم و رأيهم عن الثورة في مرحلتها الحالية

المعركة بيننا و بين النظام, احنا بنعض في صباعه و هو "شكله" بيعض في صباعنا لكن اللي فيها عارفين انه بيمثل بس و احنا اللي بنعض في صباعه أكتر, انما بالنسبة للمتفرجين: كفاية بقى عشان [أي مصيبة بتحصل] تخلص, العض في صباعه ده هو اللي جايبنا ورا 

كان عندهم حق النشطاء البسطاء لما في كل اجتماع بيتنبح صوتهم على ضرورة التوعية 

اللي عملته مع الاسطي محمد إني سمعت كلامه كله و عرفت اوصل مشاعر الأمل و الشجاعة في مواجهة الغلط زي ما هو وصل لي مشاعر الخوف من خساير مواجهة الغلط و الظلم 

لازم نستحمل الناس اللي خايفة و خوفها و رعبها من المتغيرات السريعة اللي بتحصل و عدم الاستقرار (أيوه !) في حياتها

لازم نديهم امل و نوصل لهم الحلم و الرؤية و الفدائية اللي عندنا كنشطاء عشان يحسوا إن فيه امل و طريق تاني غير السكوت و الخضوع اللي الاعلام مش حاطط غيره قدامهم 

نعرفهم إن مينفعش يكون في عملاء من برة حركوا الثورة لانها ضد مصالح الدول اللي برة

نعرفهم إن الشر ما بيكسبش لأن الخير ضعيف, لكن لأن الخير سكت عليه

نعرفهم إن البلاوي اللي بتحصل مش عشان احنا مش ساكتين لكن عشان ناس في الكرسي مش شايفة شغلها فبحسب التجربة, الضغط عليهم هيخليهم يشتغلوا 

و نتعلم منهم دنيتهم و دماغهم ماشية إزّي 

و مش عشان احنا بتوع مدارس نفتكر إنك بس اللي عارف; الناس البسيطة عندها تعرفك و تعلمك أكتر بكتير من اللي عندك تعرفهم

كل اللي هتعمله إنك هتطرح وجهة نظر تانية يختاروا ما بينها و بين وجهة النظر الموجهة و هم احرار 

أنا كنت متخيل إن لو عملت جبهة تعمل فيدوهات تواجه تأثير الاعلام هيكون ده كفاية
لكن دلوقتي حاسس إن الأهم و الاكتر فاعلية و كفاءة إن احنا ننزل نكلم الناس

نبدأ على الاقل من المناطق اللي فيها لجان شعبية للدفاع عن الثورة و هم يقدمونا في المنطقة