عدالة السماء
تفتكروا إحنا, كشعب, نستاهل مبارك و مجلس و أمن دولة و بلطجة داخلية كل ما اللى بيجى فى دماغك تحت المصطلحات دى؟
سمعنا و لسة بنسمع عن كم الفساد اللى كان فى عهد المخلوع و كمان كل فين و فين نمَّاية ”صغنطوطة" عن الجيش و الفساد اللى فيه تطلع تخلينا كيف الولايا فى حمام الهنا.
و ماصدقناش نفسنا من كمية "الترِبات" اللى كنا بناخدها من غير, إحنا كشعب" نتبسط. ايه ده يا جدع؟! كنا لالاقيين ناكل إزاى؟؟؟
و مش كدة و بس؛ خد عندك ظلم الشرطة و جبروت أمن الدولة (اللى بقا الأمن الوطنى زى ما البوليس السياسى بقى أمن الدولة) و قصص الرعب اللى سمعناها عن التعذيب هناك و...و...و....
و مش كدة و بس؛ خد عندك ظلم الشرطة و جبروت أمن الدولة (اللى بقا الأمن الوطنى زى ما البوليس السياسى بقى أمن الدولة) و قصص الرعب اللى سمعناها عن التعذيب هناك و...و...و....
لا لا لا, لا حول ولا قوة إلا بالله يا جدع !
كشخص روحانى إسلامى فأنا مقتنع و باصدق إن الدنيا دايما فى توازن و إن ربنا عادل حتى لو نظرنا و بصيرتنا المحدودة عجزت عن رؤية ده و إن لكل شئ سبب مقنع و عادل لـ "هو ليه كدة"
و مع ذلك كرهى للظلم و اللى ظلموا و اللى لسة بيظلموا شديد لدرجة بتخلينى أتمادى و أعتقد إن "ده غلط, مش المفروض يكون موجود"
و مع ذلك كرهى للظلم و اللى ظلموا و اللى لسة بيظلموا شديد لدرجة بتخلينى أتمادى و أعتقد إن "ده غلط, مش المفروض يكون موجود"
سبحان الله يا أخى
السيد الوالد دايما كان بيقول و بيردد "إحنا شعب من جوانا وحش و اللى بيحصل فينا من اللى ماسكينَّا بسببنا"
ولكنى كنت دايما بلاحظ نبرة مهزوزة كإنه بيتحجج بده عشان ما يواجهش الظلم اللى بيحصل
ولكنى كنت دايما بلاحظ نبرة مهزوزة كإنه بيتحجج بده عشان ما يواجهش الظلم اللى بيحصل
كنت بأتجاهل الكلام مع مبدأ الهروب اللى حاسه فيه غصب عنى
لكن ما بصتش قبل كدة: هل فعلا إحنا كشعب السوء اللى فينا يبرر و يعطى عدالة للهباب اللى بنشوفه؟ بغض النظر عن الوقوف ضده ولا لأ
هل فعلاً؟...
الفروض إن المبادئ لا تتجزأ و لو إنت, مثلا, من أنصار العدالة يبقى إنت مع تطبيقها على الشريف و الحرامى و قتال القتلة...صح؟
دى مفش فيها فصال: لو مقتنع إن بنى آدم لا يستحق حق من حقوقه الآدمية يبقى قبلت على نفسك إنك لا تستحقها لنفس السبب
فى شغلى على المحاكمات العسكرية تضمن الدفاع عن عدد من الشخصيات و النوعيات المكروهة إحتماعياً فى حقهم فى محاكمة مدنية عادلة من أول المفترض إنهم البلطجية للمفترض إنهم عملاء و ممولين (بياخدوا حاجة زى مليار و شوية كدة من أمريكا كل سنة...) لمؤخرا, مايكل نبيل
مايكل نبيل...المفترض إنه كافر و خاين و ملحد و عايز يخرب البلد و ضد الجيش و التجنيد (الإجبارى؛ دايما بتتنسى دى) و الشرطة و الشعب و كل حاجة...
مايكل نبيل اللى أُعتقل من الجيش و أخد حكم عسكرى و محبوس إنفرادى مشدد (زى الإرهابيين ;مابيخرجش)
مش بسبب أى حاجة من دول !...إنما بسبب تدوينة/مقالة كتبها عن الجيش و إزاى هو لا حمى الثورة ولا هباب و إنه مع مبارك
مش بسبب أى حاجة من دول !...إنما بسبب تدوينة/مقالة كتبها عن الجيش و إزاى هو لا حمى الثورة ولا هباب و إنه مع مبارك
بس...
ده خاين, يتحرق, يستاهل...إلخ
مش قلنا المبادئ لا تتجزأ يا عمونا؟
"آه لكن ده بيشتم فى الدين و مع إسرائيل و...و..., ده يستاهل ستميت محاكمة عسكرية. ملعون أبوها الحرية اللى تخلى الأشكال دى برة"
(على أساس إن مبارك و المجلس العسكرى ضد إسرائيل...واخد بالك معايا؟ أيوة, صحصح كدة)
"آه لكن ده بيشتم فى الدين و مع إسرائيل و...و..., ده يستاهل ستميت محاكمة عسكرية. ملعون أبوها الحرية اللى تخلى الأشكال دى برة"
(على أساس إن مبارك و المجلس العسكرى ضد إسرائيل...واخد بالك معايا؟ أيوة, صحصح كدة)
طب اللى كانوا متابعين شغل المحاكمات العسكرية من الأول: فاكرين رد فعل الناس كان إيه؟
"لازم المحاكمات العسكرية عشان تلم البلطجية !!!"
يا عم الحج حتى لو بلطجى, يستاهل محاكمة عادلة فيها...
"ده يستاهل الحرق !!! لازم ينسحل و يتعذب و يتسجن"
"لازم المحاكمات العسكرية عشان تلم البلطجية !!!"
يا عم الحج حتى لو بلطجى, يستاهل محاكمة عادلة فيها...
"ده يستاهل الحرق !!! لازم ينسحل و يتعذب و يتسجن"
...
هتقول لى, عزيزى القارئ, إن الناس دلوقتى ضد المحاكمات العسكرية...هع هع, هقول لك "لأ"
الحملة إسمها لا للمحاكمات العسكرية للمدنيين...واخد بالك من آخر كلمة ؟
إسأل الناس هى ليه ضد المحاكمات العسكرية...إسألهم !
الحملة إسمها لا للمحاكمات العسكرية للمدنيين...واخد بالك من آخر كلمة ؟
إسأل الناس هى ليه ضد المحاكمات العسكرية...إسألهم !
كل الإجابات اللى جات لى بتقول إن الناس ضد المحاكمات العسكرية و تعذيب الجيش "للنشطاء"... لكن, بالنسبة لفئة من المدنيين مفيش مشكلة إن يحصل فيهم كل ده....عشان الإستقرار و البلد تمشى !
زى ماكان نظام مبارك معتقد إن فيه ناس حلال فيها كدة...
زى ما المجلس (شاظية من نظام مبارك) معتقد إن فيه ناس حلال فيهم أكتر...
لنفس السبب !
زى ما المجلس (شاظية من نظام مبارك) معتقد إن فيه ناس حلال فيهم أكتر...
لنفس السبب !
نفهم من كدة إيه؟
إن الشيطان عشان يتحكم فيك لازم إنت تسمح له بكدة...و إن لو رفضت, مش هيقدر
و إن اللى حصل فى الشعب ده من مجموعة مستبدة و ظالمة كان جزء مهم منه بسبب إرادة الشعب و إنه لا يمانع فى أن يساق كيف الحمار للسوق
الأهم من كدة إنك لو جبت أى حد من العامة, باذات لو كان كظلوم, و مسِّكته بدل مسؤول ظالم...هيظلم زيه أو أوسخ
(و ده إحتمال كبير, مش شىء مسلم به)
و إن اللى حصل فى الشعب ده من مجموعة مستبدة و ظالمة كان جزء مهم منه بسبب إرادة الشعب و إنه لا يمانع فى أن يساق كيف الحمار للسوق
الأهم من كدة إنك لو جبت أى حد من العامة, باذات لو كان كظلوم, و مسِّكته بدل مسؤول ظالم...هيظلم زيه أو أوسخ
(و ده إحتمال كبير, مش شىء مسلم به)
هنتعدل؟...الله أعلم. انا شخصيا إتعدلت
لكن اللى أعرفه إن طول ما الشعب بيسمح إنه يتركب...هيتركب
لكن اللى أعرفه إن طول ما الشعب بيسمح إنه يتركب...هيتركب
و على رأى المثل: اللى يلاقى الدلع و ما يتدلعش... كملوه إنتوا
أما بخصوصى فأنا هفضل اقاوم اللى يركب الشعب و أصحى الشعب كلما سنحت لى الفرصة...
يا نتَّاوي, يا نتحبس, يا الشعب يصى و يجبر بخاطر ميتيك أمنا !
يا نتَّاوي, يا نتحبس, يا الشعب يصى و يجبر بخاطر ميتيك أمنا !
إستعنا عالشقا بالله....
No comments:
Post a Comment