(لسة مخلص كل العياط اللي ممكن أعيطه والقهرة اللي ممكن أتقهرها على أحياء وأموات، وربنا ما أنعمش عليا بنعمة البلاغة الفصحة فالكلام هيكون أبعد ما يكون عن الرقي)
"...طب بيموتوا ليه يا عمو؟"
السؤال ده من ولد صغير شقي شوية وأنا بجيب كارت شحن من كشك في طريقي زي المجنون إني ألم كام مجنون تاني زيي (مش أوي) من إنهم يروحوا اﻹشتباكات...
ليه بيموتوا...حاولت أجاوب عليه من غير تبرير ولكن بسبب حقيقي لكن فشلت
سألت كل اللي أعرفهم بعد ما وصلنا لمرحلة "إنشالله أموت معاهم !" نفس السؤال: "ليه؟"
سألت كل اللي أعرفهم بعد ما وصلنا لمرحلة "إنشالله أموت معاهم !" نفس السؤال: "ليه؟"
محدش إداني هدف أو حتى غاية حققها الموت في حد ذاته
"الثورة تحتاج الى ثوار أحياء"...
قالوا "بنشتبك" لكن إشتباكك كأعزل ضد ناس مسلحة بمعنى الكلمة إنتحار، "نساعد إخواتنا وننصرهم" لكن برضوا أغلبهم كان ما بيعملش أي حاجة غير الفرجة؛ ﻻ هو مسعف وﻻ بيجيب إمدادات وﻻ بيغطي بالمعنى الصحيح للكلمة، اﻷحداث اللي بتحصل...واقف بيتفرج وفي إيده تويتر، واقعيا: مجرد هدف نيشان زيادة للي بيضربوا نار، وحتى مش متحرك في معظم اﻷوقات
قالولي حق اللي مات مينفعش نسيبه، سألت هتجيبه إزاي كدة. مالقتش رد
قالوا لإسقاط حكم العسكر وعشان نفشخ العسكر في بعض اﻷحيان، سألت هيحصل ده إزاي باللي بيتعمل ده
قالوا حق الشهدا، طب فين حق اﻷحياء؟ فين حق الناس اللي بتحبك عليك إنهم بيعيشوا موتك مليون مرة في دماغهم وإنت "بتتفرج عاﻹشتباكات"؟
بلاش، فين حق اللي الشهداء دول عاشوا عشانه وحلمهم، لو إنتم مش هاتفضلوا عايشين عشان تحققوه
ماقلتش لعاصي إنه يروح وهو شغال مسعف
ماقلتش لشهاب ومهند جلال يمشوا وهم شغالين تغطية فعلا مفيدة (مثال "أحا، بنتفشخ"...مش مفيد)
ماقلتش لشهاب ومهند جلال يمشوا وهم شغالين تغطية فعلا مفيدة (مثال "أحا، بنتفشخ"...مش مفيد)
ماقلتش لناس في تنظيم فاهم بيعمل إيه و بيعمله ليه وبيشتبكوا إنهم يمشوا، لو اعرف حد كدة أصلا
قلت للي بيشجعوا واللي واقفين يتفرجوا عشان "مينفعش نسيب الناس تموت" (وأظن تكملة الجملة "...من غيرنا") يمشوا
قلت للي مالهمش ﻻزمة يمشوا، بس
مش خايف إن اللي أعرفهم يموتوا أو يتقتلوا أو أي حد تاني أو انا شخصيا، بس مش من غير ﻻزمة وﻻ هدف وﻻ إعتباطا؛ اﻹنسان وحياته أغلى شيء في الدنيا وهي كل حاجة. مش ﻻزم نستنى حد يموت عشان نعي إن إنه بضفر الف من كلاب طنطاوي وأحلى ما فينا والورد اللي فتح في دين أم جناين مصر...
ممكن الكلام ده كله وهم عايشين...مش صعب على فكرة
ممكن تحقق الحلم وأهداف اللي ما تتسمى وإنت عايش، ممكن تموت وإنت بتحققهم لكن تموت "عشان" تحققهم مالهاش معنى ﻷن موتك مش هيحقق حاجة وﻻ هاتحقق حاجة وإنت ميت
نفس الكلام في وجودك مع ناس بتموت وإنت ما بتعملش حاجة (أو مستني تلاقي حاجة تعملها)
مش خايف من الموت وكتير زيي بس غيرت رأيي في إشتباكات اللي زي دي ومجلس الوزراء وغيرها مش لسبب إني مش عايز اللي بيحبوني يزعلوا عليا على مفيش (لو فيه حد منهم لسة فاضل)
بسبب حق اللي بيحبوني وبحبهم واللي أستاهل إني أعيش عشانهم أكتر من اللي ممكن أموت عشانه
اﻷحياء ليهم حق علينا برضوا، مش بس الشهداء
أحلى من فينا لسة عايشين
No comments:
Post a Comment