فضفضة: ضرب نار...عشان الواحد زهق

فضفضة: ضرب نار...عشان الواحد زهق

فضفضة: ضرب نار...عشان الواحد زهق

الواحد مبضون و فيه كذا سبب لده, بعيدا عن اختياره الشخصي.
أنا لا محلل سياسي ولا محلل بول حتي ولا بفهم في السياسة على قد ما بفهم في نفس البني آدمين و من ده بحكم على قراراتهم اللي ممكن ياخدوها

حاجة حلمنتيشي لكن ملكش دعوة; الهدف هنا الفضفضة

الشرطة         

تصلح مين ؟ ضابط بيعذب و ياخد اتاوة و بياخد بريك عشان يصلي الفرض جماعة؟ بشهادة كل معارفي اللي اعتقلوا في امن الدولة زمان “الاذان يأدن تلاقي الطرقة كلها قباقيب  قباقيب..."

التربية العسكرية, جيش أو شرطة, يعني تاخد واد لسة مخلص ثانوية عامة, تحبسه في مكان 5 ايام في الاسبوع الكبير فيه سيد الصغير و تمحي عنده أي معاني للانسانية أو قيمة الإنسان غير رتبتبه, سلاحه, اقدميته و نفوذه; ده كل ما يمكن ان يعطي قيمة للبني آدم بالنسبة ضابط شرطة أو جيش....شايف أنت بالنسبة له إيه ؟

فوق كل ده; هو شايف إن اكبر حدث في تاريخ مصر و هم الاشرار فيه اللي قتلوا الشهدا اللي اشارات المرور اتهرت صورهم...و محدش فيهم اتحاسب ولا اتوقف حتى (ده طبعا غير اللي اترقوا...)

أنت لو مكانه, بعقليته بتربيته...اخدت أي عبرة من اللي حصل ده عشان ما تقتلش أو تظلم حد ؟...أنا قلت كده بردوا

الجيش و المجلس

المجلس مش الجيش...الشرطة العسكرية غير الجيش...الصاعقة غير الجيش...امال مين الجيش ؟ امي ؟؟

الواقع يا بطبوط منك له إن المجلس و الجيش هم كل دول و اكتر كمان; الجيش مش بس اللي في الخدمة, الجيش كمان اللي على المعاش و مسكوا مناصب زي محافظين و رؤساء شركات زي قناة السويس...الخ

مستني منه إيه ؟ يسيبك تختار اللي أنت عايزه؟...هع هع...لا بتتكلم جد ؟
مش هقول هيمسكوا لكن مش هيسيبوا فرصة للنتيجة تبقى بشكل غير هواهم; ده فيها اكل عيش و رقاب لو حد جه و مجرد فكر في محاسبة الجيش أو الكشف عن الميزانية إلخ…

الاسلامجية

أنا معنديش مانع إن الاسلاميين يكسبوا, المهم عندي ازاي يكسبوا; انتخابات نضيفة  من غير تزوير ولا دياولو, على راسي من فوق

كرهي ليهم بينبع من احتكارهم للدين و تدنيسهم ليه بالسياسة و اعتبار نفسهم, ولو عن غير قصد, ظل الله و الاسلام على الارض

و الناس بالعة الكلام ده, طبعا.
الفكرة كلها لما يبقى عندي دين بيقول لي "هلك قوم اذا سرق فيهم الكريم تركوه و إذا سرق فيهم الضعيف اقاموا عليه الحد"...و يجي عمونا الشيخ ينتقد الاضرابات و الاعتصامات و مش بينتقد المجلس و عمايله من تعذيب لمحاكمات عسكرية للبقاء على الفاسدين لأكل حقوق الناس إلخ… يبقى ده مش اسمه شيخ; اسمه شخة . و ما يبقاش اللي بينادي بيه دين الاسلام, ده يبقى دين امه

لما يبقى عندي دين بيقول لي أطيعوا الله و اطيعوا الرسول و برضوا بيقول لي “و تأملوا في الكون"...و أنت تطلب مني أني اطيعك زي البهيمة يا اكون كافر لمجرد إنك بتقول “بعض" من كلام الله و كلام الرسول...يبقى , بردوا, دين امك مش دين الإسلام

و ده مجرد زوهرة من بوستان خرا …

اليسارجية

لا  يخفي على احد قد إيه حبايبي و اصحابي و أن 90% بدون مبالغة من معارفي في النشاط و حتي اقرب الناس يساريين (لدرجة إن الناس بتفتكرني يساري بالانتساب)

اكتر حاجة بحبها فيهم حماسهم و مبادرتهم للشغل في الشارع لكن دي كانت أكتر حاجة هتخسرنا بعض الفترة اللي فاتت
ليه؟ لأن معظمهم شاف اللي حصل على الحدود و السفارة و لقيته هاج و ماج زي و "نطرد السفير !!! نزل العلم !!!"

احا؟ إيه يا جدعان, محدش فيكوا "خمن" أن "جايز" يكون ده هبل من المجلس عشان يلهينا عنه؟

الادهي إن المعظم يجاوبك انه فاهم لكن سخنان اوي على موضوع السفارة بردوا, ليه ؟ ستميت سبب في الهلاهوطة  ما تعدش

طب يا عم احنا عندنا بلاوي بتاعتنا, نخلصها الاول؟ طب نصها؟ عندنا ميتين ام ثورة; يعني كس ام فلسطين على اسرائيل في نفس واحد لغاية ما نخلص الخرا بتاع المجلس و الهباب؟

لأ, يقول لك : القضية واحدة, لازم نطرد السفير الصهيوني....

و اديني عقلك

الشعب

صدق من قال إن شعبنا خول...ده اللي هو أنا اللي قلت كده

عندك شعب مسلح بالمنظر ده , و ده بس الاسلحة "الاوفيشيال" غير اللي ممكن تتعمل يدوي , لسة بياخد في طيزه و ألف من له تار مع الداخلية و الجيش و كام واحد تاني...و مفكرش ولا حاول ياخد حقه بإيده إلا من كام مخبر على ضابط كانوا فعلا كوابيس..

بلاش, شعب عنده الفرصة انه يبقى الكل في الكل و اول مطلب ليه هو الامان و إن اللي المفروض يحصل )من كل الجهات اللي على الساحة) هي إن الناس تبدأ تغير نفسها

لسة شعبك مستكتر يطلع صوته, لسة شعب مش ضد التعذيب لكن ضد انه يتعذب, لسة شعبك ساكت عن حقه و هو كل حاجة في صفه و في ايده انه ياخده بالعافية...لسة شعبك بيعذر الجلادين و يلوم الضحية..

شخصيا, أي نعم أنا بشتغل عشان الشعب ده, لكن بالمنظر ده ارفض الانتساب ليه لأني مش زيه ; زي بالضبط الديانة اللي أنت مولود بيها و اللي أنت مقتنع بيها .

لسة هيفضل حلمي و هدفي من أي حاجة بعملها هي إني انزل مرة امشي في الشارع ابص في وشوش الناس الاقيها مستريحة, مطمئنة...ميالة أكتر للابتسام إن مكانتش بتبتسم فعلا...بيشرب الدخان عشان مزاج مش عشان يكتم القرف جواه
و لسة لغاية ما يتغير هقول عليه شعب خول و إن كانت ليه لحظات جدعنة