هو إنت مش مصرى برده يا حج؟

دايما كنا بنقولها للناس اللى تبتدأ جملة بـ"أصل شعب مصر[حاجة سلبية]" عشان نفكره بإنه كمان مصرى

كتبت تدوينة عن "عدالة السماء فى شعب مصر" عن إذا كان الشعب ده فعلا يستاهل مبارك و القرف اللى كان بيحصل و لسة بيحصل فيه...لكن الموضوع زاد أوى

عشرتي مع التويتر و بالأخص الثورجية  (نشطاء و نقاد و متفرجين) حوالي 7-8 اشهر كده

للي ما يعرفش, النهاردة كانت شهادة مشمش في قضية حسني مبارك اللي فيها حظر نشر...المهم, طلعت “اشاعة" (اللي كذا واحد بيقول انها مؤكدة و الله اعلم) إن المشير تحول لشاهد نفي: يعني قال انه لا جاله  اوامر بالضرب و إن كلمته في حفلة تخرج الشرطة )اللي قال فيها رفضنا اوامر اطلاق النار على المتظاهرين (كانت كلمة للتاريخ و كان يقصد بشكل عام “لو “ اتطلب منه كده هيرفض

بس...لو كنت على تويتر كنت شفت الهسترة اللي الناس كانت فيها ; و الثورة ضاعت و هيطلع براءة و …و...و...

دى كانت القشة اللتى قسمت ظهر البعير اللى خلتنى أكتب التدوينة دى؛ عشان أنا كنت تحت الإنطباع إنك لما بتنتقد حاجة فى المصريين إنك إستثناء...مش مثل !

تعالوا نعد بعض الحاجات اللى حصلت فى النشطاء و السياسجية و فوجئت إنهم عملوها هما كمان

-------------------------------

التشهير بالجنس

اللى فاكر من سنة و شوية طلعت فضيحة لبنت البرادعى أما صورها بالبيكينى و صورة كان فيها خمرة (مش فاكر ويسكى ولا جاك دانيالز) طلعت على النت و الناس ثارت و غضبت و...إستنى كدة...أيوة؛ إنتقدنا الناس اللى البرادعى سقط من نظرها و بقت تسخر منه بسبب اللى حصل

قوم ايه يا جدع، يطلع خبر على الأهرام المسائى أو المساء إن مرات فريد الديب تطلب الخلع لأسباب تتعلق بقدرته الجنسية...

سيبك من المصدر (جاية فى السكة...), كمية الضحك و السخرية بين "الثورجية" على الخبر كانت فظيعة !!...

أحا يا جدع !؛ مش ماكانش عاجبك اللى حصل فى البرادعى؟؟ إشمعنى هتِّف زورك من الضجك على فريد الديب؟ ولا عشان هو مش عاجبنا يبقى اللى يحصل فيه مش مشكلة؟ (على أساس إن النظام كان بيحبنا و اللى كان بيحصل ده غير مبرر)

 

اشاعات القبض و التخوين و السماع لمصادر مشبوهة

فاكرين أما الإشاعات طلعت إن 6 إبريل قابضة  و ممولة من برة و إن وائل غنيم ماسونى و أمريكا بعتاه يقلب النظام و الإستقرار؟ ولَّا الروينى و سنينه؟...فاكرين كان رد فعل الثورجية إيه؟

إستنكار و دول ثورة مضادة و الكلام ده كدب طب بالأمارة إيه مصادرك...إلخ

قوم إيه يا جدع؛ خبر يجى على "الوسط" إن جماعة "آسفين يا ريس" ممولين من السعودية ولا مش عارف فين لإشاعة الفوضى و إن اللى إتقبض عليهم من أحداث السفارة (!!!!!!) أرُّوا و إعترفوا و كل شئ إنكشفن و بان و، كالعادة، كله موثق "بالمستندات"

تبص على الثورجية؛ "إلحق يا جدع !, آسفين يا ريس طلعوا قابضين !!!"
أحا بمفتاحها يا جدع !...طب ايه المصدر؟ جريدة الوسط مقتبسة روزاليوسف اللى مقتبسة من "مصدر أمنى" اللى قال الكلام ده...

مفيش برده؛ بل وصل الأمر إلى إبتكار إسم "قابضين يا ريس" كتريقة على المجموعة (ده  معناه إن الموضوع أحد وقت حلو)....

طب بذمتك مستنى إيه؛ ياللى زعلت و إتقمصت لما نفس المصدر قال عليك ممول و قابض؟

تفهمش

تلاقى برده الثورجية بيقتبسوا و ينشروا كلام لأخبار اليوم و اليوم السابع و الأخبار و الجمهورية و الأهرام و كل حاجة كانت وسخة و أثبتت إنها لسة وسخة و أخبارها تعبيرية...

إيه الفرق دلوقتى عن زمان أما كانوا بيشتموا فيهم؟...إن الأخبار على مزاجهم        

شعب مصر العاتشفي و اللي مش بيفكر بحكمة      

ده بقى الحلاوة اللى فى آخر الأكلة...

"شعب عاطفى إبن كلب مش بيفكر!"...سمعتها كام مرة؟ و قلتها كام مرة؟ و الأمثلة رد فعل الناس بعض الخطاب التانى و ما شابه

كنت بسمعها كتير من الثورجية و منت بأفترض إنهم عالجوا الموضوع ده فيهم

جينا النهاردة أما المشير طلعت إشاعة إن شهادته قلبت لصالح مبارك...هستيريا على تويتر

و الثورة ضاعت !!! هياخد براءة !! حق الشهدا يا ولود الولود؟...إلخ

؟؟؟؟

عه؟ سيبك إنك كنت متخيل إن طنطاوى هيشهد على ولى نعمته أصلا؛ كل ده على إشاعة؟

ثم إيه يعنى؟ نفترض يا سيدى مبارك طلع براءة؛ براجماتياً و إسترتيجياً...يأثر على الهباب الأزرق الثورة فى إيه دلوقتى؟ ولا حاجة

ناخد مثل تانى: المجندين اللى ماتوا برصاص الإسرائيلين...هوبا و فرقعة فى الصحف و "إحتلال وشيك" و "الشهداء برصاص العدو الصهيونى" و الكام خول اللى يطلعلك يقول لك إن فيه حرب وشيكة...

سيبك إن الثورجية المفروض يكونوا عارفن إن كمية العساكر اللى ماتوا قبل كدة نفس الموتة مهولة... محدش حس إن المجلس و معرصيه مهولين الأمر لإلهاءنا عنه و عن الزفت الثورة؟

                                                                                            

المفاجأة إن "آه، عارفين" و كتير إدعوا إنهم بيستغلوها عشان يوروا الناس تواطؤ المجلس...لكن تلاقيهم بيتكلموا عن إن أهم حاجة دلوقتى هى تنزيل العلم و قفل السفارة و طرد السفير

                                                        

براجماتيا، فى المرحلة دى؟ كس أم السفارة على إسرائيل على فلسطين يا جدع ! أنا فاضى و خلصت اللى عندى عشان اسخر كل الجهد ده لمجرد التضامن مع بلد تانية أو حتى لحدث فاضل إنهم يكتبوا صراحة إنه إشتغالة عشان تعضوا فيها بعيد عن المجلس ؟ (إذا ما كانوش كتبوا كدة فعلا...)

و مع ذلك... كنت تلاقى الثورجية ما وراهمش حاجة غيرها...

-----------------------------------------------------

الإستنتاج ايه؟ إن من كل عشرة ثورجية بينتقدوا صفات كصرية شائعة؛ واحد بس هو اللى معالجها عنده و إستثناء للقاعدة

و الحمد لله الإستثناءات فى حياتى كتير فى معظم القضايا و الصفات...

بس برده...يخرب بيت أم الشعب المصرى اللى بيكره نفسه و منفصم فى الشخصية؛  فلول و كنب و ثورجية


-----------------------------------------------------------------

مشكلة الشعب ده:

عنده دين لكن معندوش اخلاق

عنده مواقف لكن معندوش مباديء

عنده أعداء في طريقه لكن معندوش هدف, و بالتالي طريق, يمشي فيه