التحرش الجنسي: موقف الرجال و وصفة بيتي لصنع سبراي حارق للعنين

هع.

بمناسبة يوم التدوين ضد التحرش الجنسي, عندشي ليكم مفجاتشين

وصفة لصنع السبراي السيلف ديفينس (رذاذ رادع) اللي بيترش على العين و بيحرق ممكن تتعمل في البيت بسهولة

و هكلم الاخوات الفاضلات اشرح فيها عقلية الرجل و السبب في رد فعله الغريب نسبيا تجاه مسائل التحرش الجنسي 

وصفة لصنع الرذاذ الرادع للدفاع عن النفس في حالة التحرش 

 (لم يتم تجربته: أنا بصراحة مزاجي السكاكين. لكن الوصفة من مصدر مجرب)

المقادير

-فلفل حريف / شطة (احر حاجة ممكن تلاقيها) في شكل بودرة نعمة 

- ايزبروبيل الكحول / سبرتو مركز بنسبة 91%

- قماش 

- 2x حاويتان (حاجتين يتخلط فيهم المقادير)

- علبة رذاذ/اسبراي التي سيوضع فيها المحلول و يستخدم منها 

الخطوات

- ضع كوب و نصف/كوبين من الكحول في احدى الحاويتين

- اضف الي الكحول الفلفل الحريف (30-40 جرام) ثم اخلط
- دع المحلول لمدة 20 دقيقة ثم اخلط مجددا 

- ضع قطعة القماش على فتحة الحاوية الاخرى 

- صب المحلول ببطء ! في الحاوية الثانية من خلال القماش حتي يتم تصفيته من قطع الفلفل التي لم تذوب

- ضع المحلول المصفي في زجاجة الاسبراي للاستخدام و التخزين 

ملحوظات:
اولا, أنا مجربتش الوصفة, العبوا في النسب بتاعتة المقادير و شوفوا إيه النظام
ثانية, علبة الاسبراي لازم يكون الدفع فيها قوي و بترش جامد. للي دماغها فاضية للكلام ده ممكن تحط المحلول الرادع في علبة سبراي مضغوطة و يبقى زي مزيل العرق 

بوسة بقى عشان الوصفة الحلوة دي xD

موقف الرجال من قضية التحرش الجنسي و تحليله:

البنات و الستات طبعا تعرضوا لتحرش لما قالوا يا بس

و في كذا حالة الست بتقول لراجل زميل, صديق, قريب و بتستغرب من رد فعله اللي بيبقى سلبي, دفاعي, بيحاول يبرر أو احيانا حتي يلومها على اللي حصل لها 

بعيدا عن العقليات المريضة اللي بتلوم الست على التحرش اللي بتتعرضله, نحلل الباقيين اللي زيي

1. الرجالة بتفكر في الجنس بشكل مختلف عنكم: معظم الذكور ميولهم الجنسية تقرب للطبع الحيواني الخام اللي مفيهوش تفاهم, في الداخل: تيران
   و من منطلق "زيادة الخير خيرين" فحتى لو الواحد مش في دماغه, مثلا, يعط, لو اتعرض عليه من واحدة مش هيقول لأ
   الموضوع مش حيوانية على قد ما هو بساطة: حاجة بنحبها و ما بنقولش ليها لأ في أي وقت 
2. معظم الرجالة مش متخيلة اللي مدي اللي بيوصل له التحرش كتير جدا متخيلين إن اللي بيحصل هو كام كلمة عالماشي و فيييييين و فين مثلا لما حد يمد ايده
   لكن الواقع إن في حالات وصلت لشبه اغتصاب و زميلة قالت لي عن حالة راجل, بالمفتشي, نطر على رجل واحدة في اوتوبيس
   لما الرجالة بتسمع الحالات دي و اسخم بيجيلها حالة ذهول لانهم أول مرة يعرفوا اللي بيحصل.
   ساعتها يا دماغ الراجل بتقفل و بيسكت لحد ما يعرف يستوعب الموقف أو بيدافع بتلقائية, عشان ياخد فرصة بس انه يعالج اللي بيسمعه.
   ده طبعا بعيدا عن العقليات المريضة اياها
3. الاهم بقى إن فيه حاجة في دماغ الست بتخليها تحلل و تستقبل موضوع التحرش بشكل معين الحاجة دي بقى مش في دماغ الراجل ! الرجالة بتتضامن مع ضحايا التحرش من منطلق المبدأ و النخوة و انه مش عايز ده يحصل لامه أو اخته
   لكن الفكرة إن الراجل نادرة ما هيستنكر اللي بيحصل لرفضه إن ده يحصل ليه شخصيا; يعني إن واحدة تتحرش بيه
   لما الراجل بيحكي له عن حادثة تحرش, الموضوع بيبقى إن, مثلا, حد من الجنس الاخر (في حالة الرجل, ست) قفشت طيزه مثلا...
   آه هيتضايق, هيسميها تحرش بشكل "عملي" لكن مش هتوصل للاحساس بالانتهاك البشع اللي الست بتحس بيه
   ده اذا اصلا, احم, ما عجبهوش انه حصل فيه كده
   دي الحلقة المفقودة في الموضوع بين الرجالة و الستات اللي حاسس بيها
   

يعني, نظرة إلى الجانب الآخر شوية

في الآخر أي راجل سوي و محترم و صاحب مبادئ هيكون ضد التحرش الجنسي

شخصيا, أنا باتعب لما بشوف المنظر و طريقة مشي بعض البنات اللي اعرفهم في الشارع; زي ما يكونوا بيحاولوا يكونوا مختفيين عشان ما يتاكلوش (و ليهم حق بصراحة من الخرا اللي بقى في الشارع دلوقتي)

للاسف, بالنسبة للحل, ما اقدرش افتي لاني ببساطة غير متأكد من الأسباب في هذه الظاهرة
لكن أنا 100% مع تشريعات للعقوبات على التحرش الجنسي مخصوص و تخصيص بند في القانون للدفاع عن النفس في حالات التحرش الجنسي


في النهاية, و من روح التفكير الايجابي, مش هقول إني ضد التحرش الجنسي لكن هقول إني مع احترام المجتمع لحرية المرأة في انها تمشي و تمارس حياتها في حالها