مشاهدة عملية للتحرش الجنسي - هذا لك عزيزي الرجل

سؤال: هل رأيت موقف تحرش بنفسك ؟

بأم عينيك بينما هو يحدث: سواء نظرة أو لمس ؟

كما قلت في التدوينة السابقة أن موقف الرجال يبنع غالبا من عدم ادراكهم للتجربة الانثوية للتحرش و غالبا حتي لم يري التحرش يحدث و كل ما لديه هو معلومات و احصائيات الخ... 

التحرش الجنسي: موقف الرجال و وصفة بيتي لصنع سبراي حارق للعنين

لتشبيه الأمر:

عندما يكون هناك شاب من هواة افلام الاكشن ثم يتكلم مع ضابط عمليات خاصة و يشرح الأخير له عملية اقتحام مبني
فيرد الشاب: "ايوة ايوة, زي فيلم الكبدة الحديدية بتاع ستيفين سيجال, عادي يعني نزلت على حبل من السطوح و دخلت من الشباك بالرشاش, قشطة"

في حين أن هذا الشاب, لا اقول حاول القيام بهذا, مجرد ان يقف في امان يشاهد الضابط بينهما هو يقوم بنصف هذا العمل, لبال على نفسه 

هذا هو الموقف ببساطة; الأمر هو التحرش و الفتاة هي الضابط و الرجل هو هاوي افلام الاكشن 

و المصيبة أن التحرش يتم في سرعة و بشكل خفي لا يستطيع الرجل ملاحظته الا اذا كان على علم مسبق انه سيحدث لامرأة معينة في لحظة معينة فيتوقع 

غير هذا فالتحرش تحت مستوى الرادار الذكوري 

اول خبرة ميدانية للتحرش لرجل...

الرجل المعني اللي هو أنا...

في الجمعة 24/6 في ماسبيرو كنت اقف مع زميلتين من النشطاء و كان الجو مزدحم و مشحون فوقفت بينهم و بين بعض الرجال ظنا أن هذا كافي 

يقال انهم مخبرين لكن الله اعلم (اييييوة, أنا كفتة لهذه الدرجة, معلهش بقى)

ظهري موجه لهم, و افاجأ بان رأس هذا البهيم شبه مرتكزة على كتفي يتفقد البنات كأنه في حديقة حيوان امام قفص الاسد
حسيت انه بقاله مدة على كده و أنا مش واخد بالي 

البنات بدأوا يلاحظوا و البهايم ورايا بتبص زي ما تكون بتحاول تطلع ليزر من عينيها...و أنا واقف, و دول بنات اعرفهم, تبعي, اكتر من اخواتي تقريبا

لبني جابت اخرها سألته "في حاجة ؟!" الاقي الافندي طلع لقدام براسه شوية و قال "اصل لبسك غريييييب"

احا...

اتلهيت بصراحة عشان أول مرة أواجه المناظر المشوهة دي 

حاجة قميئة لابعد حد, مجرد التواجد بالقرب و هم على وشك الركوب على أي شيء بفتحة دائرية حتي أن كان شكمان العربية المتكئين نحن عليها...

كل ده على بنات تعرفهم...و أنت واقف معاهم 

خد بالك أني راجل, يعني مش هدف أو ضحية...و أن كل اللي حصل كان بص و كلام

لكن احا على الاحساس, مش بس إن بنات معايا حصل معاهم قد, لأ

أنك تبقى متركز عليك كمية الوساخة و القذارة من الكائنات دي, شيء صعب و متعب 

ما يوازي التحرش عند الرجال
(للرجالة; لو لسة مش مقدر وقع التحرش على الستات)

تخيل إنك ماشي في الشارع في حالك, عايز تمشي في سلام 

تلاقي واحدة جاية وراك مصرة و قاعدة بتشكي و تسب و تلعن و تولول على البت سنية اللي بتنمر على الواد بتاعها, على القرف و المذاكرة الكتير, و تكلمك عن البنات اللي في الكلية اللي بينفسنوا منها, و الرجالة اللي ماتت في الحرب, و لييييييييه لازم تتعلم الطبيخ; ما تطبخوا لنفسكوا يا صنف الرجالة, احنا كنا الجواري اللي ابوكوا جابهولكم ؟ هه ؟ هه ؟؟؟؟؟!!!!

مد بقى الحوار ده لمدة ربع ساعة على هذا النمط....و مهما تقول أنك عايز تمشي في حالك, يا ست أنا مال اهلي ؟, بتزود

تقول "ماهو أنت اللي راجل, بتستفزني أني اطلع رأيي فيك, مش انتوا السبب إني مضايقة منكم ؟"

و ان الناس بتلومك أنك رجل و أن الرجالة هم السبب في أن الستات بتقرفهم في الشارع 

تخيل كمان أنك اضعف من الست دي بمراحل; يعني ممكن تطيرك بقلم منها...فمينفعش تنرفزها أحسن تتأذي

خد بالك: كل ده لسة واحدة بس...تخيل إن كل يوم تمشي فيه في الشارع بحوالي 10 ستات من دول 

هاه ؟...إيه رايك ؟

و أن لم يكن هذا كافي على الاطلاق لمحاكاة مشاعر الاناث...نقطة بداية جيدة لتفهم مشاعر الستات اليومين دول 

فلا اجد شيء يحاكي شعور فتاة في حالها و رجل يمد يده على مؤخرتها و يلتصق بها...

بل و في حالة حدثتني عنها صديقى انها حدثت من قبل: واحد جاب ضهره على رجل واحدة في ميكروباص 

(هي قالت لي كده أنا دماغي وقفت اصلا...)

لسة متخيل إنهم مزودينها ؟