محدش بيموت ناقص عمر

جايز خناقة اسماء محفوظ و وائل عباس مخلياني متخيل الحال بشكل متوتر...لكن بغض النظر 

كمية الخرا اللي بقت بترف من ديك ام المجلس من أول تصريحات شاهين عن إن اللي قالوا نعم قالوا نعم للمجلس

مرورا بتصريحات اللوا عن تطبيق المادة 13 على الصحف (يعني رقابة و حجر على النشر)

(رابط)

مرورا باستدعاء بثينة كامل بعد اللي قالته في حلقة شارع الكلام من انتقاد للمجلس الاعلى الي النيابة العسكرية بتهم غير معروفة حتي كتابة البتاع ده (رابط خبر الاستدعاء)

سيبك من الإخوان; غير متوقع انهم أو السلفيين يعملوا أي حاجة للبلد

الفكرة دلوقتي أن الكلام عن ثورة تانية يوم 27 و ناس زي مالك (@MaLeK) كتبوا لها كويس و اتهاشتجت (#why2ndrevolution) كأسباب ليه محتاجين ثورة تانية 

----------------------------------------------------------------------------------------------------------------

أنا فين من الكلام ده ؟

حدث ولا حرج إني من أكتر المنقلبين على المجلس و الائتلاف 

أنا ؟ يا ريت "نزلة" تانية يوم 27 زي 28 يناير و هنزل و زي ما عملت يوم 28; هنزل بالعربية في الطرق العمومية و هنضم لاول مظاهرة اشوفها 

أنا تعبت...مع إن اللي عملته ما يجيش عشر اللي النشطاء القدامى عملوه لكن تعبت 

تعبت من كس ام الاخبار اللي تحرق النفس و كلام المجلس ابن المتناكة اللي مش عارف زبره من خرم طيزه في الحكم و فالح يقول لنا "ثقوا فينا بس و حسب من عمو المندس" (طب ولله حلوة !) اللي هيخرب البلد 

للمرة المليون; أنا عندي اموت ولا أني ارجع زي ما كنت. اموت ولا أني اعيش...ميت من الخوف 

نزلت و أنا عامل حسابي اموت يوم 28 يناير و أنا بهتف "يسقط يسقط حسني مبارك"

دلوقتي هنزل يوم 27 مايو إن شاء الله و أنا عايز اموت و أنا بهتف "يسقط يسقط حكم العسكر"

ابويا اللي في الجيش هيقعد يديني أسباب و تهديدات; لكن الفكرة ان لو العسكر مسك زي زمان هستمتع شوية في جلباب أبويا لكن بعدين ابويا مش هيعيشلي و هبقى لوحدي, و ابني مش حيستمتع لأني مش في الجيش ولا مسنود 

و عشان أنا نزلت يوم 28 عشان مبقاش محتاج إني ابقى مسنود عشان اعيش بكرامة !

و عشان والدي لما يلاقي صورتي من اللي ماتوا يبطل يخلق اعذار و تبريرات للمعلومات اللي بيفطموها لهم في الجيش و يفكر 

الثورة علمتني إن كل روح حرة بتسيب الجسم اللي فيها بتعيش في الشوارع و الميادين و قلوب الناس

بتغذيهم و تصحيهم و تقويهم و الواحد لما بينزل بعد كده بيسري في جسده ارواح كل اللي ضحوا عشان نفس الحلم, مش روحه بس

أنا مش من اللي بيقولوا الثورة بتضيع لانها لسة مستمرة و اللي نايم مسيره يصحى 

مفيش حاجة اسمها مات على الفاضي 

قالها لي استاذي في الجامعة: محدش بيموت ناقص عمر 

بس ربنا يوفقنا بس و نعمل حاجة أو ننول الشهادة

يا نعيش احرار يا نموت احرار - الحرية أو الشهادة 

Liberdade ou Morrer

و عشان محدش يتمنيك و يقول مطالبكم ايه, مش عارفين صح, 

الافراج الفوري عن المعتقلين من فض الاعتصامات و اعادة محاكمة جميع من صدرت ضدهم أحكام عسكرية من المدنيين 

مجلس رئاسي منتخب يدير شئون البلاد 

محاسبة من اصدر اوامر اعتقال و تعذيب المواطنين من الجيش 

البدء في تحقيق و اتخاذ اجراءات بخصوص مطالب الفئات المختلفة و عدم التنديد بها بحجة انها "فئوية"

ده اللي موجود عندي دلوقتي بالنسبة لي 

مدونة مالك http://malek-x.net/drupal/node/695