الى المجلس الأعلى - ارفضك

انتباه: لا ينصح بقراءة هذه التدوينة بدون تشغيل الاغنية أعلاها

حين تفشل الفراسة اللغوية (أن كانت موجودة اصلا !) لدى العبد لله, يجب عليه الاستعانة بصديق

"ارفضك, ترلم ترلم, نسيتي خلاص ايام زمان"

الللللللللللللله عظمة على عظمة يا شيخ...

التدوينة دي للأسف هتكون مجرد سفسطة لأني قلت اللي عندي على المجلس الجالس عليه 

نبدأ بإيه...آه

بيقولك الحمار اللي ميعرفش السكة بيمشي ورا الحمار اللي قدامه 

و بسم الله ما شاء الله اظاهر انه بيمشي على خطواته بالمللي 

كان نفسي اعمل قلشا على فيديو لكن هنكتفي بكتابتها:

البيان الاول

من مواطن الى المجلس الأعلى

السلام عليكم و رحمة الله و بركاته

راقبت عن كثب التطورات التي جاءت في بلدي التي انتم في خدمتها, خلال المائة يوم الماضيين 

و انما يحز في نفسي ما أراه صادرا من مجلسي من قرارات و قوانين و انعدام للتحكم و المسؤولية في شئون البلاد يصل إلى حد الهبل

و اهمها جعل الوطنية حكر على الزي الميري و منظفي الشوارع من الشباب و من دون ذلك كخة

و أؤكد لكم اني خدمت هذا الوطن في السلم و الحرب و صبرت عليه و أنا أراه ينهب من حفنة من اللصوص...في حين كان سكوتكم خير بيان على وطنيتكم جراء ما يحدث و اكتفيتم بهداية النظام و مساطر الجنيهات الدهب 

 و اقتناعا مني مؤخرا انه مصير العاهرة التائبة هو التعريص, فجدير بالذكر اني و معي الكثيرين من شرفاء هذا الوطن اصبح احتمالهم لمن في السكة البطالة قليل جدا. هذه الدعوة للتوبة مننا 

ولله الموفق

-------------------------------------------------------------------------------------------------------------

شاهين قال لك : اللي قالوا نعم قالوا نعم للمجلس الاعلى...

اظاهر إن بنفس الراشونال اتفتق الى ذهنهم انهم بالمنظر اللي هما فيه ده بيحموا الثورة و بينفذوا المطالب اللي الشهداء ماتوا عشانها

مش هنقدر نعيد الاستفتاء عشان نوريهم أن معظم الناس قالت نعم عشان الجيش يروح ثكناته و يبقى فيه استقرار (مقارنة بما يوجد في وجودهم)

لكن اللي أقدر شخصيا إني اعمله اني انزل يوم 27 و اوريهم بنفسي الشباب استشهدوا ليه 

ففي حالة أن دي آخر حاجة اكتبها احب أقول إن ناس ماتت عشان مطالب بطول عمارة و باينة أوي إن تنفيذها هيجيب رجلين المجلس في السكمونية... بس هما عاملين فيها مدام وطنية معترض, يبقى مصلحة الوطن فوق كل شيء حتى ذير أسز

المسألة مش فكرة هيقدروا يغطوا على اللي عملوه في ظل النظام السابق ولا لأ, الفكرة هيقدروا يغطوا لإمتى لانهم هيتفضحوا هيتفضحوا  و بالمنظر اللي هما فيه اللي مش هيموت دلوقتي هيموت بعدين لو قرر انه يصحى 

-------------------------------------------------------------------------------------------------------------

إلى المغيبين 

الجيش اعتقل و عذب ناس مش بلطجية (و حتى لو بلطجية) و حاكمهم محاكمات عسكرية محدش يعرف يقول فيها حتي بريء يا بيه 

www.against-torture.net

tahrirdiaries.wordpress.com 

جيشنا الحبوب من دجاج كنتاكي و حكومة الثورة, سابوهم من سن القوانين اللي تهيء البلد لديمقراطية سليمة و لتحقيق المطالب و عملوا قوانين تجريم التظاهر و الاضراب و اعطاء حق الرئيس لقطع الاتصالات في الأزمات (يعني من الآخر قوانين ضد الاحتجاجات القادمة)

اهم حاجة إن الجيش و الحكومة بيتبعوا نفس سياسات و تصرفات النظام السابق إلا عندما يكون هناك ضغط و ضغط قوي كمان....

طب احنا شيلنا نظام بيجي بالضغط عشان نجيب نظام تاني بيجي بالضغط برده ؟...ده احنا اللي جالنا الضغط بصراحة
المطالب كانت بطول عمارة...و ليها ستميت صورة على الفيك بوص و الفاشتاج, يعني لا عذر للعلوقية ينفي المسئولية 

-----------------------------------------------------------------------------------------------------------------------------------

و في النهاية, برده, كس امك يا مجلس: خليتنا بنفرح بخماشر يوم للفاسدين و لما شباب لسة بيكبر بياخد سنة مع ايقاف التنفيذ من غير ما يكون عمل حاجة غلط 

ربنا كبير....ربنا كبير